Imphal, May 21: Manipur police aro nangrimgimin chel·chakgipa dolrang, Manipur a·dokni Lamshang police station-ni ning·o ga·akgipa Lamdeng joloniko jinma am·sandianiko dakanio bang·bea silchidarerang baksana guli-rangko man·aha aro United National Liberation Front (P) baksa bak donggipa ine chanchichipenggipa sak 4 cadre-rangkoba rim·aha.
UNLF (P) baksa kam ka·enggipa sakgni cadre-rangara bilsi 29 ong·gipa Heishnam Thomas Singh aro bilsi 29 ong·gipa Tomtom Singh maangko INSAS MG bolsa, INSAS LMG-ni magazine ge 3 aro rong 14 guli-rang baksa rim·aha. Official-rangni u·iatani gitade, ia rim·a man·gipa cadre-rangni ka·rimskarang am·sandianiko dakmiting somoio chel·chakgipa dolrangko guli goaha jeni a·selan dolgnini gisepo gogrikani ong·aha.
Indake ja·mano, Ningthoujam Rakesh Singh aro Chingakham Mahesh Singh-koba chel·chakgipa dolrangko slai goanina rim·aha. Rim·a man·gipa cadre-rangko sing·sandianiko dakon, uamang Lance Corporal Naorem Bijoy ba UNLF (P)-ni Macha-ni ge·etaniko man·e rim·a man·gipa silchidarerangko palna gita re·baahachim ine parakataha.
Bristibar salo, chel·chakgipa dolrang AK series rifle-rang, M-series rifle-rang, sniper bolsa, slai nokmarang, RGP-7 launcher bolsa, anti-drone jammer bolsa aro bretatgiparangko man·chape chu·gimik ge 38 silchidarerangko man·dapaha.
Na·simang iakoba nina man·gen:
Na·simang iakoba poraina man·gen: SsP-COs Conference-ko Tura-o ong•atanio CM bak ra•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
