Shillong, Oct 8: Meghalaya Civil Service aro Meghalaya Police Service (MPS) porikkako sena gita dongimin niamrangko gital dake taripilchina Meghalaya a·dokni Bharatiya Janata Party (BJP), a·dok sorkariko didiangaha.
Iani bidingo a·dokni Chief Minister Conrad K Sangma-na sedoatengon, final year graduation-ni chatro chatrirangkoba MCS/MPS-ni preliminary exam-ko sena on·china indiba main exam-na skang, an·tangtangni graduation-ni sakkirangko on·skana gita niamko donchina BJP didiataha.
BJP-ni u·iatani gitade, Union Public Service Commission (UPSC)-ni dongimin niamo, IAS, IPS aro IFS gita dakgipa national civil service porikkarangko final year graduation-ni chatro chatrirangkoba sena gita on·aiani gimin apsan daken Meghalaya a·dokoba final-year graduation-ni chatro chatrirangna MCS/MPS-ni prelims-ko sena on·na nangenga.
Final year graduation-ni chatro chatrirangba, an·tangtangni somoirangko indin bon·atna nangjana gita apsan dakgipa niamko ra·gatchinaba BJP, Meghalaya Public Service Commission (MPSC) aro Personnel Department-ko didiataha.
Na·simang iakoba nina man·gen:
Na·simang iakoba poraina man·gen: Ri-Bhoi Police niam pe·e gari chalaienggiparangoniko gong lak 8 mang fine-ko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
