Shillong, Oct 8: National Highway 6, mongsongbate Nongpoh jolo garirangko namedake chalaiatna ine krenge kam ka·anirangna Hid Foundation Shillong, Ri Bhoi a·jani police-ko dilenggipa Senior Superintendent of Police Vivekanand Singh Rathore aro Ri Bhoi traffic police-ko mitele aganangaha.
Uamangni gisik nange kam ka·anirangchi sorokrango a·sel ong·anirang, jebasi gari donanirang, churing-chupeke gari salanirang aro uandakgiparangko bewalan champengna man·aha.
Ri Bhoi a·jao niamko ja·rike garirangko chalaina on·kange aro rake kam ka·anina Hid Foundation Ri Bhoi a·jani Police-ko mitelaha, aro uamangni dondikgija krenganirangko sepangjolo donggipa songni-nokni manderangba rasong on·angaha.
“Nongpoh jolo simsakgija gari salanichi, ta·rakprete salanichi aro badiaba gari salgipa manderang, mongsongbate chakka ronggni donggipa garirangko salgiparangni gisik nanggijanichi sorokrango a·sel ong·anirang bang·batroroani gimin chinga jajrengenga. Uni gimin ia obostarangko namatna, traffic-ni niamrangko ja·rikgijagipa, mongsongbate simsakgija gari salgiparangni kosako rakgipa sastirangko on·china chinga authority-rangko mol·molatenga,” ine Hid Foundation-ni chief executive officer Jinysha D. Maiong parakataha.
“Pilakni tom·tome re·ruraanina aro janggirangko naljoke rakkina police-rangna dakchakchina aro bakrimchina chinga jinmaangko mol·molatenga. Ku·cholsan an·ching an·chingni sorokrangko naljokbatatna aro a·sel ong·anirangko komiatna man·gen,” ine ua agandapaha.
Na·simang iakoba nina man·gen:
Na·simang iakoba poraina man·gen: MCS/MPS Exam Qualification Rules-ko nipiltaichina BJP didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
