Shillong, Apr 19: Ia chang Lok Sabha election-o dingtang dingtang political dolrangni bilakbee susagrikanirangko nikna man•an baksana dilgipako seokanioba manderangni bang•bate bak ra•anikoba nikna man•enga aro uandaken attamni 3:00 bajiona kingkingde pu•onani 68 percent gapaha.
Pu•onaniko pring 6:00 bajio a•bachengatahaon, a•dokni dingtang dingtang polling station-rango bang•bea manderangni pu•onna gita riting dakanikoba nikna man•aha.
Meghalaya a•dokni Chief Minister aro NPP-ni national president Conrad K Sangma-ba pring 6:30 bajion, an•tangan gari sale pu•onna gita Walbakgre polling station-ona sokangaha.
Uni ja•man, NPP-ni candidate Agatha K Sangma-ba pring 7:30 bajio, pu•onna gita Walbakgre polling station-ona sokeaha.
Kontagni atamangna riting dake sengani ja•man pringni 9:00 bajio a•dokni Chief Minister Conrad Sangma, pu•onna gita cholko man•aha aro NPP-ni candidate Agatha Sangma-ba kontagni batpile riting dake sengani ja•man pringni 10:17 bajimango pu•onna man•aha.
Shillong Parliamentary Constituency-oba NPP-ni candidate Ampareen Lyngdoh, INC candidate Vincent Pala, VPP candidate Ricky AJ Syngkon aro RDA candidate Robertjune Kharjahrin, pringni 11:00 bajimango an•tangtangni polling station-rango sikdepe pu•onangskaaha.
Salni 12:00 bajimango, Tura Lok Sabha seat-ni INC candidate Saleng A Sangma aro TMC-ni candidate Zenith M Sangma-ba an•tangtangni polling station-ona re•ange pu•onangtokaha.
Ia election-o bang•bea manderangni bak ra•aniko nike uamang sakgnian an•tangtangni kusi ong•aniko parakangaha.
An•tangni vote-ko on•ani ja•man TMC-ni candidate Zenith M Sangma, Hub News baksa agangrikengon, NPP-ni vote-rang pripraahani gimin TMC-na cholrang nambatenga ine a•kangataha.
Tura Lok Sabha-ni NPP candidate Agatha K Sangma-ba pu•onani ja•man, Hub News baksa agangrikengon, Garo Hills-ni bang•bata biaprangon manderang bang•en pu•onanio bak ra•tokenga ine an•tangni kusi ong•aniko parakataha.
Ia Lok Sabha election-o NPP-ni pilak membor-rangan rakbee kamko ka•ahani gimin ua namgipa result-ko man•na ka•dongenga ineba Agatha aganaha.
Na·simang ia video-koba nina man·gen:
Na·simang iakoba poraina man·gen: TMC candidate Zenith Sangma uni gamchatgipa vote-ko pu•ona
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
