25.7 C
Tura
spot_img

M’laya-ni sak 60 MLA-rangko nangrime ILP-ko dabichina CoMSO dabia

Must read

Shillong, Jan 21: Re•baenggipa Sonibar salo, ma•mongni Union Home Minister Amit Shah, Shillong-ona re•bana siengani gimin, Meghalaya a•dokni sak 60 MLA-rangkon nangrime Union Minister-ko grongenba, a•doko Inner Line Permit (ILP)-ko ra•gatani bidingo agangrikchina Confederation of Meghalaya Social Organisations (CoMSO) didiangaha.

Da•o dipet politics-ni gita dingtanggrikaniko guale, pilak MLA-rangkon ku•cholsan, 2019 bilsini December jao ILP-na Assembly-o resolution ra•aniko chu•sokatchina gitaba CoMSO dabiangaha.

Da•al January-ni 21 tariko Meghalaya a•dok gimikon chang 49-gipa Meghalaya Day-ko manitokengon, a•doko ILP-ko ra•gate on•jaengani gimin ma•mong sorkarini kosako jegalaniko mesokna gita CoMSO, ‘candle light vigil’ ba mombati so•e jegalanirangko a•dok gimikon dakangskaaha.

Re•baenggipa January-ni 23 tariko North Eastern Council (NEC)-ni chang 69-gipa plenary session-ko dilna gita Union Home Minister Amit Shah, Meghalaya a•dokona re•baengani gimin ma•mong sorkarini kosako kusi ong•gijaniko mesokna gita da•al Meghalaya Day-ko maniani salo CoMSO, mombati so•e jegalangskaaha.

Meghalaya Residents Safety & Security (Amendment) Bill 2020-ko a•dokni Governor Satya Pal Malik ra•chakkujaengani giminba NGO-rang suk ong•gijaniko mesokangaha.
Assam aro Meghalaya a•dokni sima jolrango ru•uta somoirangonin neng•nikanirangko chagrongna nangtokengani gimin ta•raken ia neng•nikaniko namatchina aro Khasi baksana Garo ku•sikko Indian Constitution-ni Eighth Schedule-o ra•gatchina gitaba a•dokni NGO-rang, ma•mong sorkario dabiengachim.

spot_img

More articles

spot_img
-->

Latest article