Shillong, Aug 26: Mongolbar salo, All Khasi Meghalaya Tourist Taxi Association (AKMTA)-ni ning·o jolo taxi ba para gari sale cha·enggipa driver-rang asonge jegalaniko dakangaha. Uamang tourist spot-rango jolo para gari sale cha·enggiparangna skanggipa cholrangko on·chengan baksana, a·dokni apaloni re·bagipa para garirangko dontongatani niamrangko tarie on·china sorkario dabianiko dakangaha.
AKMTA-ni President Recaldinus Dohling, Minister-rang aro a·dokni Skotong Minister Conrad K Sangma-ko gronga baksana bilsi 2-na ia dabianiko dakbagenchimoba da·alonaba maming dingtanganiko nikna gita man·kujaenga ine aganangaha.
Sorkari, private gari nokgiparangnade ta·raken niamrangko tarie on·gen indiba, kajina bang·e gamgipa para gari salgiparangkode pangnan nigalaniko dakronga ine ua matnanganiko dakatan baksana bebe gita sorkari uamangna niamrangko tarie on·a man·jaenga ong·ode uamang an·tangtangan niamrangko tarina nangnaba donga ineba ua mikrakataniko on·ataha.
PRIME scheme-ba dakchakaniko on·jaenga maina bang·a garirang jekon jolo para gari sale cha·giparangna on·ahachim uarangko adita jarangni jamanon ra·angpiltokaienga ineba Dohling u·iataha. Iarangko namatna gitade, Meghalaya-o jolo para gari sale cha·enggiparang mangmangko tourist-rangko salna bil on·gipa pangkamgipa niamrangko tarianian ong·a ineba ua janapataha.
Na·simang iakoba nina man·gen:
Na·simang iakoba poraina man·gen: Tripura-o me•chik saksako jinmani mikkango onia ka•anina sak 3-ko rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
