Nongpoh, May 6: Budbar salo, Ri Bhoi a•jani dingtang dingtang dilgiparang, dingtangmancha program-ko Nongpoh-ni St Paul’s Parish Hall-o ong•atangaha aro ia program-o a•dokni Chief Minister Conrad K Sangma, jolo songdongenggipa manderangni nanganirangko chu•sokate on•na aro neng•nikanirangko namatna gita dingtang dingtang songni manderang baksa agangrikangaha.
Ia program-ko ong•atanio, Ri Bhoi a•jani dingtang dingtang songrango donggipa manderang, an•tangtangni ma•sina nanganirangko aro neng•nikanirangko a•dokni Chief Minister aro sorkari official-rangna janape on•angaha aro songni manderangna a•dokni Chief Minister aro dingtang dingtang sorkari official-rangba, nangani kri agan-talatanirangko on•angaha.
Ia tom•anio a•dokni Chief Minister, Ri Bhoi a•jani manderangna aganprakangengon, Meghalaya a•dokni daka rikani aro niamrangko rakkina kam ka•engani gimin Rangbah Shnong ba songni nokni dilgiparangko mittelpilangenba, a•dokni pilak biaprangon darangkoba nichanggalgija sorkari, namroro silroroaniko ra•bana kam ka•enga ine aganaha.
2018 bilsio sorkariko rikchenga intal batanggimin bilsichetni gisepo maikai uni sorkari, Meghalaya a•doko dingtanganiko ra•bana man•aha, iarangni giminba Chief Minister, agan-talate on•angaha.
Songni nokni manderangna, game ge•e cha•giparangna, bading chiwalgiparangna, chadamberangna aro me•chikrangni namgnina sorkarini ra•gate on•gipa dingtang dingtang scheme aro program-rang, jekai CM-ELEVATE, CM-ASSURE, CM-FARM+ aro uandakgipa program-rangni giminba ia tom•anio Chief Minister, agan-talate on•angaha.
Nongpoh-o Government College-ko kulichina gita dabianikoba ua nipilna gita ia tom•anio ku•rachakangaha.
Sorkarini kamrango maiba neng•nikanirangko man•e, dakchakanirangko nangenga ong•ode CM Connect helpline 1971-ona ka•e u•iatchina gitaba Chief Minister, Ri Bhoi a•jani manderangko didiangaha aro badi ka•anirangko man•soahaon somoi gita ja•kurangko de•naba ua ku•rachakaniko on•angaha.
Na·simang iakoba nina man·gen:
Na·simang iakoba poraina man·gen: KSU, Wah Prang chibimako moila ong·atanina niamni gita ja·ku de·aniko dakchina dabia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
