Williamnagar, Dec 11: East Garo Hills a•jao manderangna sanna bananirangko nambate on•na gita Adasa Clinic-ko Bristibar salo, Williamnagar-ni Soil Bazar-o donggipa Williamnagar Municipality Shopping Complex-o kuliaha.
Ia clinic-ko National People’s Youth Front (NPYF)-ni national secretary aro working president Dabo Mrong, nokdonggae on•angaha aro ia clinic-ko nokdonggaanio, East Garo Hills a•jani District Medical & Health Officer (DM&HO) Dr Cruzie Elmina N Sangma, Williamnagar Municipal Board-ni Chief Executive Officer Ripamchi N Sangma, Medical & Health Officer Dr Clive Wardy D Sangma aro gipinrangba dongpae bak ra•angaha.
Ia clinic-ko adasa sakgni, jolo songdongenggipa manderangna nambata sanna bananiko on•na miksonganio kuliaha aro ia clinic-o mongsongbate ultrasonography-ko dake on•engani gimin ian Williamnagar-o ultrasonography-ko dake on•enggipa private clinic-rangoni gnigipa ong•enga.
Ia clinic-ko nokdonggaanio, clinic nokgiparangoni saksani pagipa Sanjiv A Sangma, tom•anio bak ra•giparangna aganprakengon, skanggipao ia clinic-ko jolni manderangna nambata sanna bananirangko on•na miksonganio kuliaha aro ia clinic-ko pangkamgipa bading chiwalani chol dakeba chalaiangna miksongenga ine parakataha.
Ia clinic-ko kulina a•bachengani bidingo talataniko on•angengon, ia clinic-ko kulianio pilak nanga dakchakanirangko on•ahani gimin ua, East Garo Hills a•jani DM&HO-ko mittelpilangaha.
Ia clinic-ko nokdonggae on•anganio Dabo Mrong-ba jinmana aganprakengon, ia namgipa kamko a•bachengatahani gimin adasa sakgnina an•tangni namgipa skaniko on•angenba, manderangna dangdike on•gipa bading chiwalanian chu•sokbatsranggipa bading chiwalani ong•a ine aganaha.
Lapna rikana bate manderangna namgipa sanna bananirangko on•china adasa sakgniko didiangengon, namgipa sanna bananirangko on•anichi aro ka•sae dangdike on•anichisa manderangni ka•donganikoba man•a ama ine Dabo aganaha. Ia jolrango songdongenggipa manderang pilaknan sanna bananirangko on•na man•na gita mikkangchi ia clinic-ko dal•batatchina gitaba ua clinic nokgiparangko didiangaha.
Ia clinic-ko nokdonggaanio, Williamnagar Town Baptist Church-ni Pamong Kokila R Marak, sastoro poraienba, ia clinic-na Nokgipa Isolo bi•chakangskaaha.
Na·simang iakoba nina man·gen:
Na·simang iakoba poraina man·gen: NH-108B ramako tariani ka•sinenganina AARC-ni Chairman sing•doa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
