Tura, July 19: A·dokni skotongko pilakchin songaiode aro spring capital hill aro winter capital hill-ko songchina pilakan dabitokaiode Meghalaya a·dokna mai ong·skagen ine salsa skang a·dokni cabinet minister Ma Ampareen Lyngdoh-ni agananggipa kattako jegalatenba, Tura, mini Secretariat mikkango antisana batpile okgimu chake jingjengataniko dakdilenggipa MCS official gitcham Laben Ch Marak, A·chik a·songna Winter Capital-ko dabiengani gimin ministerna talataniko on·an baksa Butbar salo uana aganchakaniko on·angskaaha.
A·dokni gnigipa skotongko, chong·motan sin·karini somoio Tura-ko skotong dakskachina dabiengani gimin minister-na talataniko on·angengon, Laben Ch Marak, Khasi Hills a·jao damgipin skotongko songchina dabina nangani ortoan dongja aro skotong songdapchina dabiaba dongja, indiba Garo Hills a·jana winter capital-ko dabianide chingo kakket aro bebegipa a·selrang gnang ine aganangaha.
Chingni dabianiko a·dokni cabinet minister-ni ra·chakna sikgijaniara aro uni agananggipa kattara Meghalaya a·dokko man·e on·dilchenggipa chingni pagitchamrangni dingtang dingtang a·selrangni gimin Tura-ko winter capital songna niksamsoe kam ka·aniko chonnike-kal·ake roani gita ong·aha ineba ua aganangkuaha.
Winter Capital-ko songchina gita skaramram chinga dabienga ong·ja, aro chingni dabianiko knachakjana gita sorkari pa·sikoba pa·sikjaoba, chinga chingni jingjengataniko ia salona kingkingan chu·sokatbana gita man·aha aro sorkarioniko maming aganchakaniko man·kuja dipet salrangko ra·dodapeba chingni jingjengataniko chinga watgaljawa ine aganangenba, a·dokko man·chengaon chingni dilgiparangni gisepo segrik-jotgrike Tura-ko winter capital dakna songgigrikgiminan donga, jekon chu·sokatna gita nangchongmotenga ineba Laben Marak agandapataha.
Iakoba poraie nina man·gen: Assam-o, bilsi 19 ong·gipa me·chikko so·otani mamlako ra·e dolgni nanggrikanio sak 24 saknaa man·a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
