Tura, Mar 10: Garo Hills Autonomous District Council (GHADC) election-o Tribal ong·gijagipa manderangni bak ra·aniko jegalgrimtokengon, GHADC election-na nomination file ka·ani skanggipa salo, manderangni namnikgijako dakbadee, nomination file ka·na re·baahani gimin Phulbari-ni gitcham MLA Esmatur Mominin aro adita sak manderangko jinma watatpilaha.
GHADC election-o susana gita candidate-rang, Scheduled Tribe (ST) certificate dongna nangtelgen ine adita salrangna skangsan, Executive Committee (EC)-ba niamko donangahachim indiba EC-ni niam donako, a·kawe jolrango donggipa adita sak dilgiparang jegalenba, GHADC election-o susadrana jotton ka·skaengachim.
Sombar salo, GHADC election-na nomination file ka·aniko a·bachengaton, Phulbari-ni gitcham MLA Esmatur Mominin, sakgipin Independent candidate Enamul Haque aro uamangna kam ka·enggiparang baksa DC office-ona re·baaha. DC office-ona sokbae, nomination file ka·na senge dongengmiting somoio bakan dingtang dingtang dolrang, uamangni re·baako kobor man·soenba DC office-ona re·batokaha aro ua biapo police-rang champengsogenchimoba, jinma napdraange, Mominin aro gipinrangko nomination file ka·na on·jaha.
GHADC election-na nomination file ka·a matchotkujaskal, Tribal ong·gijagipa candidate-rangko champengsona gitaba dingtang dingtang dolrang tik ka·aha.
Uandake, kajia-golmalrang ong·rorobae obostarang namrorojaengani gimin, West Garo Hills-ni Deputy Commissioner, Vibhor Agarwal, IAS, Sombar attam 6 bajioni a·ja gimiko curfew-ko ra·gatna hukumko on·angaha.
Indake ong·engon Mongolbar pringwalo Chibinang jolo night curfew-ni somoio mande jinma tom·dake dongmitingko a·rikatengmitingo police-rang slai goenba sakgni manderang siaha ine West Garo Hills-ni SP Abraham T Sangma parakataha.
“Obostarang da·o dipetde tom·tomenga,” ineba SP agandapangaha.
Kajia-golmalrang aro so·sojengjeng ong·anirangko champengsona ine March 10 tariko West Garo Hills a·ja gimikon chu·gimik curfew-ko ra·gatangaha aro police dolrangkoba bang·bate nirokna donataha.
Iana skangba, social media-o manderangni ong·katruraani, doka-satani aro ong·gijagipa koborrangni giprororoanirangchi tom·tomanina kengni donga ine Deputy Commissioner aro SP-ni agananirango pangchake, March 10 tarikni waljatchioni konta 48-na mobile data service-rangko dontongatna a·dok sorkarini hukum on·ataha. Indake ong·genchimoba, voice call-rang aro SMS-rangko dakangna man·kuaigen.
So·sojengjeng ong·anirangko komiatna chanchirimna ine Deputy Commissioner Vibhor Aggarwal, mondolini dilgiparang, NGO-rangni dilgiparang aro local development committee-rangko Tura-ni Circuit House-o peace committee meeting-ko ka·na ine Mongolbar salo okamataha.
March 16-ona kingking nomination filing-ko ka·angengon, nomination centre-rango security-ko donaha.
Na·simang iakoba nina man·gen:
Na·simang iakoba poraina man·gen: Ex-Serviceman & Widows Mini Rally-ko Dibrugarh-o ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
