Tura, March 31: Sukrobar salo ICFAI University Tura Campus-ni ning•o donggipa Social Work department, Marketing department baksa nangrime, World Social Work Day-ko maniangaha aro ia program-ko ong•atanio West Garo Hills a•jani District Social Welfare Officer Hemaritha Ch Sangma aro Williamnagar-o donggipa Educere Higher Secondary School-ni Principal Gamchi Timre R Marak, songsalo manderangna dangdike on•ani bidingo chatro chatrirangna agan-talate on•angaha.
Ia tom•aniko ong•atanio West Garo Hills a•jani District Social Welfare Officer Hemaritha Ch Sangma, World Social Work Day-ko maniani bidingo talate on•angengon, Garo Hills-oba sorkari aro private sector-rangchi songsalna kamko ka•enga ine parakangenba, songsalni manderangna dangdike on•anio mai dakgipa niamrangko aro gunrangko ja•rikna nangachim, uarangni gimin agan-talate on•angaha.
Ia tom•anio Educere Higher Secondary School-ni Principal Gamchi Timre R Marak, tom•anio bak ra•giparangna aganprakengon, songsalni kamko ka•anio saksa sakgipinko onchepani gri kamko ka•na nangani gimin aganangaha.
Ia program-ko ong•atanio Tura-o donggipa dingtang dingtang skul aro college-rangni chatro chatrirangba bakko ra•angtokaha.
Iakoba poraie nina man·gen: MGNREGS-ni chu•gimik kamko man•ja ine songni manderang BDO-ko matnanga
