Shillong, July 3: Sukrobar salo, Amralem Sub-Division-ni Golden Jubilee aro Ministry of Cooperation-ni 5-gipa Foundation Day-ko maniani bak gita, Amralem-ni Office of the Sub-Division School Education Officer (SDSEO) aro Office of the Sub-Registrar of Cooperative Societies (SRCS) apsan nangrimenba, Amralem Golden Jubilee Quiz Competition-ko BDO Amralem C&RD Block-ni Training Hall-o ong·atangaha.
Ia program-ko Diamond Khyriem dilangengon, West Jaintia Hills-ni District Education Officer Dr. W. Sumer mongsonggipa sokgipa ong·e, tom·anio dal·batgipa sokgipa Amralem C&RD Block-ni Block Development Officer Dr. D. Lyngdoh, baksa dongpae bakko ra·angaha.
SDSEO Wailad Nanghuloo, tom·anio jinmako rimchaksoengon, ia Golden Jubilee-ara Amralem Sub-Division-ni namroro silroroani aro tang·dororoani bilsi 50 gapaniko maniani ong·a ine u·iatangaha. Ua mikkangchi jolni namroro silroroanina sakantikon apsan ku·monge kamko ka·china okamaniko dakangaha.
Cooperative Societies-ni Sub-Registrar, W. B. Pariat, “Sahkar Se Samriddhi” ingipa katta bichongni ning·o apsan ku·monge kamko ka·ani gamchatani bidingo jinmana aganprakaniko dakangan baksana ua sakanti chatro chatrirangkon krenge poraichina aro kakket ong·e kamko ka·china didiataha.
Dr. Sumer, ia manianiko ong·atgipa dolrangna nama skaniko on·atan baksana chatro chatrirangko skie ra·na gisiko skani aro niam rakkiani baksana janggi tanga gimik skie ra·aniko dakchina ua didianiko on·angaha.
Ia quiz competition-o school ge 4 bak ra·angaha, jeon Sohkha Government Higher Secondary School, 25 point-rangko man·e skanggipa biapko, Nongtalang Government Higher Secondary School, 20 point-rangko man·e 2-gipa biapko aro Ka Syiem Jingsuk Higher Secondary School, 10 point-rangko man·e 3-gipa biapko man·rikaha.
Ia quiz ba sing·anirangna aganchaksusaanio bakko ra·gipa school-rang jekai Mang Hai Ryum Higher Secondary School, Laishnong Higher Secondary School, Riwar Jaintia Church of God aro Padu Higher Secondary School-rangna dingtangmancha boksis-rangko on·angaha.
BDO Amralem C&RD Block-ni Assistant Engineer, Lumlangki Pohti aro Education Jubilee Committee member-rangni mitelpilani kattarangchi ia program-ko matchotataha.
Na·simang iakoba nina man·gen:
Na·simang iakoba poraina man·gen: Dingtang dingtang nanganirangna dabie Tripura Youth Federation jingjengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
